ياۋروپا شەرقىي تۈركىستان مائارىپ جەمئىيىتى «پلاتفورما» ۋە «ئاياللار ژۇرنىلى» مەركىزىدە مىننەتدارلىق زىيارىتىدە بولدى

ياۋروپا شەرقىي تۈركىستان مائارىپ جەمئىيىتى «پلاتفورما» ۋە «ئاياللار ژۇرنىلى» مەركىزىدە مىننەتدارلىق زىيارىتىدە بولدى

ياۋرۇپا شەرقىي تۈركىستان مائارىپ جەمئىيىتى نامىدىن «پلاتفورما» ۋە «ئاياللار ژۇرنىلى» مەركىزىدە  مىننەتدارلىق زىيارىتى ئۆتكۈزدۇق. 

زىيارىتىمىز جەريانىدا پلاتفورم باش مۇھەررىرى ھۆرمەتلىك ئەبۇبەكىر تۇرغۇت ئەپەندى بىزنى قىزغىن كۈتۈۋالدى.

ئۇزۇن مەزگىلدىن بېرى پائالىيەتلىرىمىزنى يېقىندىن كۆزىتىپ كېلىۋاتقان، نەشرلىرىدە ئىش-پائالىيەتلىرىمىزگە ئورۇن بېرىپ، جەمئىيىتىمىزنىڭ ئەھۋالى ۋە شەرقىي تۈركىستان دەۋايىمىزنىڭ ئاممىغا يەتكۈزۈلۈشىگە تۆھپە قوشۇپ كېلىۋاتقان بۇ قىممەتلىك پلاتفورمغا ئۆز مىننەتدارلىقىمىزنى بىلدۈردۇق.

 ئۇچرىشىشتا بۇندىن كېيىنكى مۇناسىۋەتلىرىمىزنى تېخىمۇ مۇستەھكەملەش، ھەمكارلىقىمىزنى چوڭقۇرلاشتۇرۇش ۋە ئورتاق پائالىيەتلەرنى يولغا قويۇش توغرىسىدا پىكىر ئالماشتۇرۇلدى.

 زىيارەت ئاخىرىدا «پلاتفورم» ۋە «ئاياللار ژۇرنىلى» مەسئۇللىرى  پائالىيەتلىرىمىزنى  يېقىندىن داۋاملىق كۆزىتىدىغانلىقىنى  ۋە ئىش-پائالىيەتلىرىمىزنى ئۈزلۈكسىز  قوللاپ-قۇۋۋەتلەيدىغانلىقىنى  بىلدۈردى.