رامىزاننىڭ تۇنجى ئىپتار خۇشاللىقى: جەمئىيىتىمىزدە قېرىنداشلىق مېھرى بىلەن بەرىكەتلىك داستىخانلار قۇرۇلدى.

مۇبارەك رامىزان ئېيى مۇناسىۋىتى بىلەن جەمئىيىتىمىز تەرىپىدىن ئۇيۇشتۇرۇلغان ھەپتىلىك ئىپتار پىروگراملىرىمىزنىڭ بىرىنجىسىنى، ئەلھەمدۇلىللاھ، زور ئىشتىراك ۋە مەنۋى بىر كەيپىيات ئىچىدە ئۆتكۈزدۇق.

گوللاندىيەنىڭ ئوخشىمىغان شەھەرلىرىدىن كەلگەن قېرىنداشلىرىمىز بىلەن بىر داستىخاندا جەم بولۇپ، روزىمىزنى بىرلىكتە ئاچتۇق؛ ناماز ۋە دۇئالار بىلەن رامىزاننىڭ بەرىكىتىنى ئورتاقلاشتۇق.

رامىزان ئېيى بويىچە ھەر ھەپتە ئاخىرى (شەنبە ۋە يەكشەنبە كۈنلىرى) ۋەقپە مەركىزىمىزدە ئىپتار پىروگراممىلىرىمىز داۋاملىشىدۇ. بارلىق قېرىنداشلىرىمىزنى بۇ بەرىكەتلىك داستىخانلاردا جەم بولۇشقا، قېرىنداشلىق ۋە ھەمكارلىق روھىنى بىرلىكتە ياشاشقا تەكلىپ قىلىمىز.